DIASPORA PËR SHQIPËRINË E LIRË
Ne jemi një nismë qytetare e lindur në mërgatë dhe angazhohemi në mënyrë pro-aktive për përfshirjen e mërgatës shqiptare në proceset politike dhe ato politikbërëse brenda Shqipërisë.
Informohu dhe na mbështet në betejën e përbashkët për mundësimin e votës së Diasporës duke klikuar më poshtë
Diaspora për Shqipërinë e Lirë në Facebook
Diaspora për Shqipërinë e Lirë
DPSHL angazhohet ti japë zë dhe dinjitet çdo Shqiptari, brenda e jashtë vendit.
Muaji i Qershorit është muaji i përkujtimit të masakrës ndaj popullsisë shqiptare në Çamëri.
Sot bëhen plot 81 vite nga masakra e fundit në Çamëri teksa mijëra shqiptarë të Çamërisë u masakruan nga forcat e Liges Republikane Greke (EDES) te gjeneralit Zervas dhe u dëbuan nga tokat e tyre.
Diaspora për Shqipërinë e Lirë përkujton me nderime viktimat e këtij gjenocidi ndaj popullsisë shqiptare.
#diasporakujton
#diaspora
#Çamëria
Respekt
Lavdi 🇦🇱
Ky postim vjen nga diaspora, me vëmendje tek ata që ngrenë çdo ditë Shqipërinë me duart e tyre. Për ata që djersijnë nën diellin e verës, në kantieret ku shpesh mungon më e thjeshta: kujdesi njerëzor.
Në kantierë nuk ndërtohen vetëm mure dhe kolona, atje vihet në provë forca e njeriut. Dhe në verë, kur nxehtësia bëhet përvëluese, kjo forcë lodhet, rrallohet dhe shpesh rrezikohet.
Por nuk ka punë të mbarë pa shëndet. Nuk ka ndërtim të qëndrueshëm pa kujdes për njeriun.
🛑 Punëtorët e ndërtimit janë ndër më të rrezikuarit gjatë verës por një pjesë e këtyre rreziqeve mund të shmangen me disa veprime të thjeshta, të arsyeshme dhe plotësisht të mundshme.
✅ Çfarë do të thotë “kujdes në vapë”? Ja disa masa konkrete:
👕 Veshje e gjatë, jo e trashë, por që mban lagështinë dhe mbron lëkurën, krahët e zhveshur duken si “më të rehatshëm”, por rreziku nga djegiet, dehidratimi dhe lodhja është shumë më i madh.
🎩 Kapelë ose helmetë me mbrojtëse për qafën – jo vetëm për rregulloren, por sepse truri dhe qafa janë zonat më të ndjeshme ndaj goditjes nga dielli.
🕶️ Syze kundër diellit, për të mbrojtur sytë nga rrezet UV, por edhe për të shmangur ndriçimin e tepërt që sjell lodhje dhe gabime.
💧 Mbajtja gjithmonë e ujit me vete dhe pirja e tij çdo 20–30 minuta, jo vetëm kur “na merret fryma”. Në momentin që ndien etje, trupi është tashmë i dehidratuar.
🧴 Përdorimi i kremrave kundër diellit, për lëkurën, por sidomos për qafën, fytyrën dhe krahët që janë më të ekspozuara.
⏱️ Pushime të shkurtra dhe të rregullta gjatë ditës, edhe 5 minuta hije, ujë dhe frymëmarrje bëjnë diferencën mes vazhdimësisë dhe rrëzimit.
🥗 Kujdes në ushqim, shmangni ushqimet shumë të rënda ose shumë të kripura gjatë ditës. Ato e bëjnë trupin më të ngarkuar dhe e rrisin ndjeshëm rrezikun e lodhjes.
⚠️ Kujdesi nuk është luks, është domosdoshmëri. Dhe nuk është turp!
Punëtori që kujdeset për veten, nuk është “delikat” apo “i dobët”. Është i mençur. Është përgjegjës. Është dikush që do të kthehet në darkë te fëmijët e vet i gjallë, i plotë dhe i shëndetshëm.
👷♂️ Por një pjesë shumë e rëndësishme e përgjegjësisë bie mbi ata që udhëheqin punën:
🔹 Kryetarët e skuadrave,
🔹 Inxhinierët e zbatimit,
🔹 Shefat e firmave ndërtuese.
Ju jeni të parët që duhet të jepni shembullin. Të mos e lini punën të vazhdojë në vapën ekstreme. Të siguroheni që të gjithë kanë ujë, pushim, pajisje mbrojtëse. Të mos i përqeshni ata që kujdesen për veten, por t’i inkurajoni. Sepse jeta e tyre është në duart tuaja po aq sa në duart e tyre.
🫱 Kujdesi për trupin nuk është luks. Është një formë dashurie për veten.
🫶 Kujdesi për njëri-tjetrin është forma më e thjeshtë e qytetarisë.
🤝 Një kantier i sigurt është një Shqipëri më e drejtë.
Nga diaspora, ky është një thirrje për vëmendje dhe për ndërgjegje sepse nuk na vlen asnjë ndërtesë nëse i kemi ngritur mbi rraskapitjen dhe rrezikun e jetës së punëtorit.
🇦🇱 Le ta bëjmë bashkë një Shqipëri që mbron ata që punojnë më fort për të.
#diasporareagon
📢 Deklaratë Publike nga DPSHL
🗓️ 20 Qershor 2025
📍 Zyrih / Tiranë
𝐕𝐨𝐭𝐚 𝐞 𝐃𝐢𝐚𝐬𝐩𝐨𝐫𝐞̈𝐬 𝐞̈𝐬𝐡𝐭𝐞̈ 𝐕𝐨𝐭𝐚 𝐞 𝐊𝐨𝐦𝐛𝐢𝐭 – 𝐃𝐞𝐦𝐨𝐤𝐫𝐚𝐜𝐢𝐚 𝐧𝐮𝐤 𝐦𝐮𝐧𝐝 𝐭𝐞̈ 𝐧𝐞𝐠𝐨𝐜𝐢𝐨𝐡𝐞𝐭!
Sot, Diaspora për Shqipërinë e Lirë (DPSHL) ka dërguar me postë elektronike një kërkesë zyrtare publike z. Ilirjan Celibashi, Komisionerit Shteteror te Zgjedhjeve prane KQZ Shqiperi, lidhur me shkeljet e rënda në procesin e votimit të qytetarëve shqiptarë jashtë vendit, ku kompania kontraktore DHL ka vepruar jashtë kushteve të kontratës, duke përdorur nënkontraktorë të paautorizuar dhe duke dëmtuar rëndë integritetin e procesit.
🛑 Kërkojmë:
✅ Marrje të menjëhershme të masave administrative ndaj shkelësit të kontratës;
✅ Hapje të hetimit administrativ dhe publikim të raportit zyrtar për çdo shtet;
✅ Iniciativë ligjore për kompensim civil ndaj DHL për dëmin ndaj votuesve;
✅ Garanci konkrete për të drejtën e votës së diasporës në zgjedhjet e ardhshme.
Ky është një moment kritik për demokracinë shqiptare. Votuesit jashtë vendit nuk mund të trajtohen si qytetarë të dorës së dytë. Diaspora për Shqipërinë e Lirë nuk do të heshtë përballë kësaj padrejtësie!
📄 Teksti i plotë i kërkesës sonë publike i është dorëzuar zyrtarisht KQZ-së dhe mund të lexohet këtu e fotot e bashkelidhura si dhe me poshte.
🗣️ Na mbështesni duke shpërndarë këtë mesazh!
#VotaDiasporës #transprance
Tirane/Zyrih 20 Qershor 2025
Nr. Prot. EXEC122025
KËRKESË PUBLIKE DREJTUAR KQZ Shqiperi
“Për Marrjen e Masave Administrative dhe Kompensim Civil për shkeljet në Procesin e Votimit të Diasporës”
I nderuar z. Ilirjan Celibashi, Komisioner Shtetëror për Zgjedhjet
Duke pasur parasysh që:
❗️ Diaspora për Shqipërinë e Lirë (DPSHL) ka paraqitur një kërkesë zyrtare pranë KQZ Shqiperi, duke ngritur shqetësime të thella mbi parregullsitë e evidentuara në procesin e votimit të qytetarëve shqiptarë jashtë vendit;
❗️ Nga reagimi zyrtar i KQZ-së, rezulton se kompania kontraktore DHL ka shkelur kontratën e nënshkruar, duke angazhuar në mënyrë të paautorizuar nënkontraktorë në shtetin grek dhe duke vepruar jashtë parametrave të dakordësuar ligjërisht dhe institucionalisht;
❗️ Ky veprim i DHL ka rrezikuar ndjeshëm integritetin e procesit të shpërndarjes dhe mbledhjes së votave të diasporës, duke krijuar një precedent të rrezikshëm për besueshmërinë e zgjedhjeve dhe për ushtrimin e të drejtës së votës nga jashtë vendit;
❗️ Votimi nga diaspora përbën një të drejtë kushtetuese të mbrojtur, e fituar me sakrificë dhe përmes një vendimi historik të Gjykatës Kushtetuese, dhe çdo devijim nga procedurat e ligjshme përbën një cenim të drejtpërdrejtë të demokracisë;
❗️ Shkeljet e kontratës dhe rregulloreve nga një aktor i autorizuar si DHL kërkojnë jo vetëm transparencë, por edhe marrje të menjëhershme të përgjegjësisë administrative, kontraktore, dhe ligjore për të parandaluar përsëritjen dhe për të ruajtur barazinë e votës;
Në emër të qytetarëve shqiptarë të diasporës, ju drejtohemi publikisht me kërkesat e mëposhtme, të domosdoshme dhe urgjente për të garantuar drejtësinë dhe legjitimitetin e procesit zgjedhor:
𝐈. 𝐌𝐚𝐬𝐚 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐞
1. Konstatimi zyrtar i shkeljes së kontratës nga DHL dhe nisja e një hetimi administrativ të brendshëm për të verifikuar nëse aktet nënligjore të miratuara nga KQZ Shqiperi janë shkelur në mënyrë sistematike nga kontraktori dhe/ose nënkontraktorët e tij.
2. Nëse konfirmohen shkelje procedurale, të shpallen të pavlefshme të gjitha zarfet e trajtuara në kundërshtim me rregulloret, për të ruajtur parimin e ligjshmërisë dhe barazisë së votës.
3. Publikimi i një raporti të detajuar nga KQZ Shqiperi për çdo shtet, me të dhëna për:
• Numrin e zarfeve të shpërndara dhe të kthyer;
• Raste të paarkëtuara ose të dërguara gabimisht;
• Procedurat e ndjekura për rastet problematike.
𝐈𝐈. 𝐌𝐚𝐬𝐚 𝐋𝐢𝐠𝐣𝐨𝐫𝐞 𝐩𝐞̈𝐫 𝐃𝐞̈𝐦𝐢𝐧 𝐂𝐢𝐯𝐢𝐥
1. Duke qenë se DHL ka dështuar të zbatojë kontratën e nënshkruar me shtetin shqiptar, dhe si rezultat dhjetëra mijëra qytetarëve nuk iu dha mundësia reale për të votuar, kërkojmë që KQZ Shqiperi të ndërmarrë nisma për dëmshpërblim civil ndaj DHL, për shkelje të kontratës, dëmtim të interesit publik dhe cenim të të drejtës së votës.
2. KQZ Shqiperi të kërkojë zbardhjen e plotë të përgjegjësisë së DHL për çdo shtet, me fokus të veçantë Greqinë, ku u konstatuan më së shumti parregullsi, përfshirë:
o Angazhimi i nënkontraktorëve të paautorizuar;
o Mosrespektimi i protokolleve të dokumentuara;
o Mosdorëzimi i zarfeve të regjistruara.
3. Në rast të neglizhencës nga DHL për të siguruar një auditim të pavarur, KQZ Shqiperi të ndërmarrë auditim të jashtëm për të vërtetuar shkeljet dhe për të nxjerrë përgjegjësitë konkrete.
𝐈𝐈𝐈. 𝐊𝐞̈𝐫𝐤𝐞𝐬𝐞̈ 𝐩𝐞̈𝐫 𝐆𝐚𝐫𝐚𝐧𝐜𝐢 𝐧𝐞̈ 𝐏𝐫𝐨𝐜𝐞𝐬𝐞𝐭 𝐞 𝐀𝐫𝐝𝐡𝐬𝐡𝐦𝐞
Ky proces zgjedhor përbën një pikë kthese historike për të drejtën e votës së diasporës. Por kjo e drejtë është e pakuptimtë nëse ajo dëmtohet nga paaftësia, pakujdesia apo papërgjegjshmëria e kontraktorëve. Ne kërkojmë që në zgjedhjet e ardhshme:
• KQZ të rishikojë të gjithë sistemin e shpërndarjes së fletëve të votimit dhe të kërkojë nga ofruesit e shërbimeve garanci shtesë, transparencë teknologjike (tracking), dhe bashkëpunim me organizatat e diasporës për verifikim të pavarur.
• Të krijohet një mekanizëm mbikëqyrës i pavarur për votën e diasporës, për të garantuar që çdo zarf të trajtohet me integritetin dhe vlerën që ka një votë.
Shkelja e kontratës me DHL nuk është thjesht çështje teknike apo logjistike. Është cenim i demokracisë. Është shkelje e besimit. Është një padrejtësi që nuk mund të mbetet pa pasoja. DPSHL, si organizata që iniciatoi këtë të drejtë, nuk do të qëndrojë në heshtje. Kërkojmë veprim. Kërkojmë përgjegjësi. Kërkojmë drejtësi për votuesit shqiptarë jashtë atdheut.
Vota e Diasporës është Vota e Kombit – Demokracia nuk mund të negociohet!
Për një Shqipëri më të drejtë, më transparente dhe më demokratike,
DPSHL – Diaspora për Shqipërinë e Lirë
Me ndërgjegje apo pa ndërgjegje,u bëtë mashë e kastës komunisto- mafioze në pushtet.
Ne zgjedhjet e ardhshme cfare ,,ore nuk kërkoni përsëritje te zgjedhjeve me nje qeveri teknike per te vendos ne vend demokracinë e votes
Une nis me pyetje!A ka fytyre Mrika Kodheli qe te perfaqesoje Shqiperine ne NATO??Kur dihet qe ajo me urdher te Edvin Rames fikte radaret per 20000 Euro ora!??Si ka mundesi qe keto TRADHETARE TE PERFAQESOJNE SHQIPERINE????
Si deklarata Spiropalit ku i bënë thirrje Iranit të mos prodhoj bombën atomike
Në këtë ditë të shënuar, nderojmë luftën dhe rezistencën e heronjve tanë për çlirimin e Kosovës para 26 vjetesh. Gjaku i derdhur për liri do të mbetet gjithmonë në historinë e popullit tonë si një simbol i guximit dhe vendosmërisë dhe fanar për gjeneratat.
🇽🇰🇦🇱
Gezuar nga zemra Kurban Bajramin te gjithe vellezerve dhe motrave qe festojne sot!
Paqe dhe begati per te gjithe ❤️
Gezuar familjarisht gjithë shqiptareve kudo qe ndodhen🤲
Kliko dhe nënshkruaj për të mbështetur peticionin për ndalimin e menjëhershëm të punimeve të pakontrolluara në burgun e Spaçit
Që e shkuara të mos përsëritet, ajo nuk duhet të lejohet të fshihet !
Peticion: Ndal ndërhyrjeve të pakontrolluara që dëmtojnë autenticitetin e Burgut të Spaçit
qytetarin.com
Peticion: Ndal ndërhyrjeve të pakontrolluara që dëmtojnë autenticitetin e Burgut të Spaçit PETICION: Unë i nënshkruari deklaroj në përgjegjësine timeRreth Nesh
Ne jemi një nismë qytetare e lindur në mërgatë dhe angazhohemi në mënyrë pro-aktive për përfshirjen e mërgatës shqiptare në proceset politike dhe ato politikbërëse brenda Shqipërisë.
Si nisi lëvizja?
Lëvizja “Diaspora për Shqipërinë e Lirë” (Diaspora për një Shqipëri të Lirë) mori jetë fill pas shembjes brutale dhe arbitrare të Teatrit Kombëtar të Shqipërisë dhe përdorimit të forcës kundër protestuesve, artistëve, aktivistëve dhe artëdashësve. Ne jemi jashtëzakonisht të shqetësuar për privatizimin dhe shkatërrimin e hapësirës publike për interesa të ngushta klienteliste si dhe autoritarizmin e qeverisë shqiptare. Nga ana tjetër, duke u nisur nga mbështetja dhe reagimi i gjerë si dhe konsideruar shpresën për një alternative të re politike, e shikojmë vetveten si një lëvizje civile në përgjegjësinë për të forcuar këtë shpresë dhe përcjellur në vendlindje një frymë të re me integritet dhe profesionalizëm, e cila bën dallimin midis modelit aktual të politikbërjes dhe vlerave që Diaspora mishëron.
Pse “Diaspora për Shqipërine e Lirë”?
Diaspora konsideron që Shqipëria nuk është e lirë, kur liria e shprehjes, qoftë individuale apo ajo e shprehjes së lirë në Media i frikësohet censurës së pushtetit politik.
Ne konsiderojmë se Shqipëria nuk është e lirë, kur shkatërrohet, gllabërohet dhe privatizohen hapësirat publike për interesa të ngushta klienteliste dhe oligarkike.
Shqipëria nuk është e lirë nga arbitrariteti apo hakmarrja e pushtetit.
Shqipëria nuk është e lirë nga padrejtesitë dhe korrupsioni në çdo hallkë të sistemit gjyqësor dhe administratës publike.
Çfarë mëton lëvizja?
Lëvizja jonë mëton të ndikojë në proceset politikbërëse dhe vendimarrëse në Shqipëri dhe gjithashtu të faktorizojë zërin e Diasporës në vendet anëtare. Ajo nxit një politikbërje transparente dhe gjithëpërfshirëse, ku ekspertiza dhe mendimi i profesionistëve të mërgatës të reflektohet dhe përfshihet në proceset politikbërëse. Kjo e ndjekur në dy rrafshe, si në zhvillimet brenda vendit, ashtu dhe në faktorizimin e saj në vendet anëtare, duke dhënë konsulencën e saj për zhvillimet aktuale në vend tek vendimarrësit e huaj por edhe përcjellë realitetin larg propagandës aktuale të qeverisë. Misioni ynë: Politikat rrotullohen rreth të Ardhmes. Ne dëshirojmë një të ardhme për vendin, ku qytetari si individ të mposhtë frikën dhe të jetë në qendër të çdo politikbërje, ku emigracioni të shikohet si shans por jo alternativa e vetme e zgjidhjes.
Cilat janë hapat aktuale dhe çfarë kauzash keni përqafuar?
Kauza afatshkurtër: Aktualisht shqiptarët me nënshtetësi shqiptare, që banojnë jashtë vendit, nuk mund të ushtrojnë të drejtën e tyre kushtetuese të votës. Në këtë kontekst, ne tërheqim vëmendjen në Shqipëri që partitë e rëndësishme politike jo vetëm të vendosin këtë temë në rendin e ditës, por të angazhohen në mënyrë proaktive dhe fort për ndryshimet respektive ligjore, që garantojnë jo vetëm votën, por përfaqësimin e Diasporës dhe mbrotjen e votës.
Hapat e ndërmarra: – Shkresa me aktorë politikbërës dhe vendimmarrës brenda dhe jashtë vendit. – Konsultimi me ekspertë ligjorë në Shqipëri – Në funksion të transparencës dhe gjithëpërfshirjes, zhvillimi i brainstorming me profesionistë në Zvicër, Gjermani, në nivel ndërevropian dhe përtej oqeanit (SHBA & Kanada) – Krijimi i grupeve të punës – Kontakti dhe takimi me eurodeputët në vendet anëtare etj.
Themeluesit
Florian Haçkaj
Flori është larguar nga Shqipëria pas gjimnazit në vitin 2002, për të studiuar në Gjermani ku dhe u diplomua në Universitetin e Shkencave të Aplikuara të Bielefeld-it, në fushën e Ekonomisë, me fokus në Menaxhim ndërkombëtar. Gjatë studimit, ai ka qenë i angazhuar vullnetarisht me rrjetin ASAN (Albanian Students Abroad Network), duke këshilluar e ndihmuar studentët Shqiptarë që dëshironin të studionin në Gjermani.
Fill pas përfundimit të studimeve, Flori filloi karrieren e tij profesionale si menaxher në një kompani ajrore në Belgjikë e Gjermani, duke e vazhduar atë më pas në një tjetër kompani në Austri e Zvicër. Gjatë kësaj periudhe ai kreu një studim post-Master në «Menaxhim Turizmi» në Universitetin e Lucernës në Zvicër. Pas mëse 5 vitesh në fushën e aviacionit, ai kaloi në fushën e informatikës e perkatësisht asaj të Sigurisë Kibernetike ku punon prej më shumë se 6 vitesh. Prej 4 vitesh, ai drejton departamentin që punon ngushtë me agjensitë e Kombeve të Bashkuara dhe Organizata Ndërkombëtare, misionet e të cilave, janë tejet motivuese për të. Në vitin 2018 ai kreu studimet shtesë për “Ekselencë në Menaxhim” pranë HSG (Hochschule St. Gallen)
Sido që më shumë se gjysmën e jetës së tij e ka kaluar jashtë Shqipërisë, Flori mbetet një qytetar i preokupuar shqiptar. Pasioni i tij për alpinizmin i ndërthurur me atdhedashurinë, e ka bërë të valvisë flamurin Shqiptar në majat më të larta në botë.
Duke ndjekur me keqardhje gjendjen e vështirë ekonomiko-politiko-sociale, në të cilën gjendet Shqipëria, Flori është i bindur se ka ardhur momenti, që gjenerata e re Shqiptare e mirëformuar jashtë, të japë kontributin e vet për fatet e vendit. Kjo ëndërr për një Shqipëri më të mirë e të begatë, është mishëruar fort në lëvizjen “Diaspora për Shqipërinë e Lirë“, ku janë bashkuar me qindra mbështetës aktivë, të cilët janë motivim për këdo që ka fatin të punoje me ta.
Ajo ç’ka e bën të mundur ekzistencën e lëvizjes tonë, është ndjeshmëria ndaj çështjeve politike, ekonomike dhe sociale në Shqipëri. Sensi I një përgjegjësi të fortë sociale dhe dhënia gjithnjë e shembullit më të mirë personal, janë cilësi që prevalojnë tek Flori. Ai mbron me pasion e profesionalizëm kauzat në të cilat beson fort dhe perveç pozitivitetit që përcjell, ka aftesi motivuese për miqtë e tij, grupet e punës e më gjerë.
Flori beson fort se me një dozë të shëndoshë atdhedashurie, shumë pasion e profesionializëm, si dhe pastërti e këmbëngulje, ky grup fantastik njerëzish, do t’ia arrijë të faktorizojë Diasporën e bashkë me të, të sjellë ndryshimin e shumëpritur në Shqipëri.
Bledar Milaqi
Vullnetarizmi është tregues i ndjenjës qytetare, ndjeshmërisë për çështjet publike dhe përgjegjësisë ndaj shoqërisë. Për këtë arsye ai konsiderohet si Demokracia e jetuar dhe si element thelbësor për kohezionin social dhe konsolidimin e vlerave dhe strukturave të qëndrueshme demokratike. Që prej periudhës së studimeve, Bledar Milaqi ka qenë i angazhuar në mënyrë aktive dhe vullnetare për rrjetëzimin dhe faktorizimin e të rinjve dhe profesionistëve shqiptarë. Ai është themeluesi dhe ish-drejtuesi i një prej shoqatave më jetëgjata studentore në qytetin e Aachen të Gjermanisë (AlbAix e.V.). Gjatë kësaj periudhe ai gjithashtu ka punuar si Koordinatori i të gjitha shoqatave të huaja studentore pranë Universitetit të ekselencës RWTH Aachen University dhe qenë gjithashtu drejtuesi i përfaqësisë së studentevë të degës së tij të Masterit. Aktualisht është themeluesi dhe drejtuesi i Prisma e.V., shoqatë për rrjetëzimin e profesionistëve Shqiptarë në Landin e Rinit Verior të Vestfalisë në Gjermani.
Bledar Milaqi është diplomuar me gradën B.A. në Shkenca Politike dhe Ekonomiks dhe atë M.A. në Studime Evropiane pranë Universitetit RWTH Aachen. Gjithashtu ai ka mbrojtur studimet ekzekutive në Çështje Publike dhe Lidershipit pranë Universitetit Quadriga Berlin me temën: Roli i grupeve të interesit në Shqipëri në proçesin e vendimmarrjes politike”.
Karrierën e tij profesionale e ka nisur pranë Parlamentit Evropian si Trainee në shërbimin shkencor të politikave të Brendshme të BE-së, duke vazhduar më pas stacione të ndryshme si referent për çështje publike dhe këshilltar politik në nivele të ndryshme (komunale, landit, federal dhe atë evropian) për fushat e Energjisë, Ambjentit, Emigracionit dhe Dixhitalizimit të sektorit publik.
Sipas tij, Shqipëria ka nevojë për kontributin e gjeneratave të reja, të cilët punojnë fort për një Atdhe më të mirë, janë entuziastë për politikën dhe ndryshimin, të aftë të përkthejnë nevojat e brezit të tyre në një gjuhë të kuptueshme dhe gjithashtu të guximshëm të ngrenë zërin për tu bërë faktor në proceset politike. Ai beson në fuqizimin e të rinjve profesionistë për marrë përgjegjësinë për të ardhmen, shoqërinë dhe vendin e tyre.
Bledi konsiderohet si strategu i lëvizjes, i përpikte deri ne detajet më të vogla dhe rrjetëzues i mirëfilltë në arenën politike evropiane, veçanërisht asaj gjermano-folëse. Është i dashuruar me komunikimin politik dhe atë publik, me eksplorimin e natyrës dhe shijues fanatik i kafesë.
Kryesia aktuale
Antarësohu
Na kontakto
Nëse keni ende pyetje për lëvizjen tonë, jeni të lutur të dërgoni një email në: info@diasporaofalbania.com